You are here: Home
Newsflash

Xarunta Beder oo marti qaadey Aqoonyahan weyn oo caalami ah.    

   Professor Abdul Hamid Alba’ali oo ah aqoon yahan caalami ah oo aad looga yaqaano aduunka, kuna takhasusay shareecada islaamka, dhaqaalaha, bangiyada iyo guud ahaan mu’asasaadka maaliyada ee islaamiga ah , oo ku yimid magaalada Hargeysa marti-qaad ay u fidisay Xarunta Beder ee Diraasaadka Mustaqbalka iyo Talo-bixintu si uu u bixiyo siminaar lagu lafo-gurayey Hay’adaha Maaliyadeed ee Islaamiga ah, qaab dhismeedkooda, sida ay u shaqeeyaan iyo weliba qaabka ugu haboon ee looga hirgelin karo Somaliland iyo geeska Africa, ayaa maanta oo salaasa ah, taariikhduna tahay june 30, 2009 lagu wadaa inuu ka dhoofo magaalada Hargeysa isagoo dib ugu laaban doona Dalka kuweyt oo uu fadhigiisu yahay

    halkan ka akhri warkoo dhameystiran 
 
User Rating: / 1
Tuesday, 17 June 2008

Dhambaalka Xarunta Beder 

    Waxaan shaki ku jirin in Alaah (subxaanahu watacaalaa) uu weyneeyey arinta cilmiga, Banii'aadamkana kaga fadilay makhluuqaadka kale cilmiga uu barey, cilmiguna guud ahaan isagoo fadligu ka dhexeeyo hadana cilmiga diinta iyo fahamkeeda dhabta ah ayaanu jirin wax loo dhigaa, maadaama oo uu cilmi ahaan ka sokow yahay ka qofka banii'aadamka ah toosinaya, kuna hagaya  dantiisa aduun iyo tiisa aakhiro.

    Xaruntan beder ee Diraasaadka Mustaqbalka iyo talo bixinta waxa loogu talo galay inay noqoto gole kulmiya dhamaan aqoonyahanada gobolka geeska Africa gaar ahaan aqoonyahanada Somaliland, iyo weliba biriijka isku xidha golayaasha culimada islaamka ee daafaha aduunka ku nool iyo bulshada geeska Africa ee muslimka ah, si laysu dhaafsado loona kala faa’iideysto aqoonta iyo waayo aragnimada dhamaan dhinacyada nolosha isla markaana horumar cilmiyeysan loogu horseedo bulshada ku nool gobolkan.

    Xarunta Beder waxay gogol dhig u tahay tayeysiinta tacliinta, toosinta dhaqanka, horumarinta bulsho ee dhinaca maskaxda iyo cilmiga, iyadoo hirgelin doonta cilmi baadhis xeel dheer oo lagu sameeyo dhamaan dhinacyada nolosha isla markaana bixin doonta tabobaro tayeysan oo taabanaya dhamaan dhinacyada nolosha ee bulshada, sida ganacsiga, maaliyadda maamulka, waxbarashada, siyaasada sharciga, diinta, saxaafadda, arimaha bulshada iyo deegaanka. 

    Xaruntani waxa ay si dhab ah u hir-gelineysaa aragtida casriga ah ee ganacsi iyo waafajinta mabaa'di'da islaamka ee lama dhaafaanka ah, iyadoo tix gelinna siineysa qaab-dhismeedka sharci ee ganacsiga aduunka.  

    Beder Center waxa ay aragtideedu ku salaysan tahay fahamka islaamka ee ku aadan nolosha Banii'aadamka, iyo weliba sidii looga faa’iideysan lahaa khayraadka uu Alaah dhigay dhulkan Banii'aadamka looga dhigay khaliifada, looguna qaybsan lahaa khayraadkaas si caddaalad ah oo aan dulmi huwaneyn.

    Xaruntani waa biriijkii ku gaadhsiin lahaa hay’adaha iyo jaamicadaha cilmiga ee aduunka daafihiisa ku yaala, anagoo gaar ahaan u adeegi doona ardeyda doonaysa inay helaan aqoon sare oo tayo leh, kuna xidhi doona una fududeyn doona siday u dhamaystiran lahaayeen heerarka jaamacadeed ee sare (Master & PhD).

    Xaruntani waa xarun talo bixineed, waxaanu si gaar ah ganacsatada ugula talin doonaa, waafajinta sharci ee ganacsiyadood, qiimeynta iyo diyaarinta mashaariic ganacsi oo faa’iido leh iwm..

    waxa aanu si joogto ah u bixin doonaa tabobarro tayeysan oo la siiyo shaqaalaha, macalimiinta, agaasimayaasha sharikadaha iyo hay'adaha waxbarasho, saxaafadda, ardeyda, culimada iwm.

 

    Sh. Cabdulqani Xuseen Maxamed (Albadr).

    Agaasimaha Maamulka.

    Beder Center for future Studies & Consultancy
 

Wararka Xarunta

*      Xarunta Bede Ilaahay  mahadii waxa  ay ku guuleysatey  inay  marti qaado Professor Abdul Hamid Alba’ali oo ah aqoon yahan caalami ah oo aad laga yaqaano aduunka kuna takhasusay shareecada islaamka, dhaqaalaha, bangiyada iyo guud ahaan mu’asaadka maaliyada ee islaamiga ah , si uu u bixiyo siminaar lagu lafo-gurayey Hay’adaha Maaliyadeed ee Islaamiga ah, qaab dhismeedkooda, sida ay u shaqeeyaan iyo weliba qaabka ugu haboon ee looga hirgelin karo Somaliland iyo geeska Afric,   halkan ka akhri ka akhri faahfaahinta arintan

* Waxa Ilaahey mahadii ay Xarunta Beder ee Diraasaadka Mustaqbalka iyo Talo-bixintu soo gabogabeysay, tabobar ku saabsan qorsheynta istiraatiijiga ah, oo loo qabtay agaasimayaasha iyo madax kale oo metelayey in  ka badan 13 shirkado ganaci iyo hay’ado waxbarasho. 

Workshopkan oo uu soo jeedinayey DR Xasan Faarax Bayle (xasan suuri), waxa lagu qabtey hoolka shirarka ee Hotelka City Center  ee Magaalada Hargeysa, waxaana  ka faa’iideystay in ka badan 30 xubnood.   

*  Xarunta beder waxa ay soo gabo-gabeysay 02/04/2009 koorso tabobar loogu magac darey “ Models of Teaching-developing effective learning” taasoo ay ka faa’iideysteen 30 macalin iyo kormeere ka kala socday qeybaha waxbarasho ee magaalada hargeysa, ta dawladda iyo ta gaarka loo leeyahay.

*      Iyadoo koboca nidaamka maaliyadeed ee islaamiga ahi uu si xawli ah u korayo, wadankeenana ay ku soo wajahan-yihiin baanan badan oo doonaya inay gobolka ka hir gelinayaan nidaamka maaliyadeed ee islaamiga ah, waxa Xarunta Beder ay bixin doontaa koorsooyin ku saabsan hanaanka maaliyadeed ee ay u shaqeeyaan baananka islaamiga ahi, sidaa awgeed waxaanu kugu dhiiri gelinaynaa inaad meel dhow kala socoto koorsooyinkaas, kana faa’iideysato fursadaha gaarka ah ee xaruntani goonida la tahay.

*      Xarunta Beder ee Diraasaadka Mustaqbalka iyo talo bixintu waa xarun u adeegta bulsho weynta Somaliyeed ee ku dhaqan geeska Africa.

*      waa xarun ku salaysan aragtida islaamka ee nolosha.

*      Xarunta Beder Center waa gadh-wadeenka ganacsiga xalaasha ah.

*      Ma hubsatey sharcinimada xidhiidhka ganacsi ee aad ku jirto maamul ahaan iyo adeeg ahaan midna, mase u bandhigtey sharciga islaamka, haday jawaabtu tahay maya ogsoonow xarunta Beder waxa loo yagleelay inay arintaa kaa caawiso.

 
 
Copyright © 2009 Beder Center for Future Studies & Consultancy. All rights reserved.